Spitali i ri i Laçit ka hapur dyert ditën e sotme pasi u dëmtua nga tërmeti i 26 nëntorit. Me anë të një postimi në Facebook, kryeministri Edi Rama që po sheh nga afër kushtet e spitalit, thotë se është model shembullor i spitaleve bashkiake në vend.
Në fjalën e tij, kryeministri Edi Rama e pati një koment edhe për mjekët dhe infermierët që largohen nga vendi.
“Kjo ditë përjetohet në mënyrë të posacme në këtë zonë ku është prania e Shna Ndoit dhe janë të panumërt shqiptarët që vijnë për pelegrinazh.
Më vjen shumë mirë që në këtë ditë të sotme përgjatë hedhjes së një vështrimi në mjediset e reja të spitalit, pashë disa mjeke të reja, të cilat janë atashuar spitalit të Kurbinit për të dhënë kontributin e tyre pasi kanë mbaruar me rezultate të shkëlqyera në shkollë.
Dua ta theksoj sepse shpesh herë dëgjojmë të përsëritet që s’kemi mjekë, s’kemi infermierë, kanë ikur të gjithë. Në fakt, për hir të vërtetës ne nuk e kemi një boshllëk të tillë, pavarësisht të pamohueshmes që ka mjekë e infermierë që e provojnë veten dhe kërkojnë një eksperiencë gjetkë”, tha Rama.
