Është gjetur i vrarë në ishullin Rodos në Greqi biznesmeni shqiptar Xhani Topalli, i cili ishte zhdukur prej disa ditësh. Mediat greke raportojnë se në pranga është vënë autori i dyshuar, një 53-vjeçar, pronar i një hoteli, i cili i kishte borxh 30 mijë euro biznesmenit shqiptar.
Xhani Topalli, 46-vjeç, baba i tre fëmijëve, rezultonte i zhdukur që prej datës 28 gusht. Në ditën e fundit të zhdukjes së tij ai kishte takuar një 53-vjeçar, pronar hoteli në Greqi, për të shlyer disa detyrime në bazë të një marrëveshje që ato kishin lidhur. Policia greke ka arrestuar 53-vjeçarin, i cili pas marrjes në pyetje ka pranuar se ka vrarë biznesmenin shqiptar.
46-vjeçari shqiptar kishte caktuar një takim me pronarin e hotelit dhe po përpiqej që t’i merrte një borxh prej 30 mijë euro biznesmenit grek, i cili e kishte kontaktuar për një punë.
Ky i fundit deklaroi se takimi mes tyre ishte anuluar, por kamerat e sigurisë, zbuluan se takimi ishte zhvilluar.
Pas veprimeve hetimore dhe gjatë marrjes në pyetje, pronari i hotelit, ka pranuar se ka vrarë 46-vjeçarin shqiptar si dhe ka treguar se ku ka fshehur kufomën.
