Ersida Dyrmishi, është vajza e cila ngjalli debate të mëdha në rrjetet sociale pas deklaratës për rrëmbim dhe kërcënim pa dëshirën e saj. Rezultoi e zhdukur, por pas 9 ditë kërkimesh nga bashkëshorti dhe familja e saj ajo u gjet në një hotel në Durrës, ku deklaroi se ishte mbajtur peng nga Marjus Musaku.
Sipas denoncimit të saj, i riu e ka detyruar për të bashkëjetuar dhe ka kryer marrëdhënie seksuale me dhunë nën kërcënimin e një thike, duke e kanosur për jetën e familjarëve.
Sakaq, 32-vjeçari, i cili ndodhet në burg, akuzohet për “Heqja e paligjshme e lirisë”, “Shtrëngimi apo pengimi për të bashkëjetuar ose për të lidhur apo zgjidhur martesë” dhe “Marrëdhënie seksuale me dhunë me të rritura”
Ai ka dhënë një intervistë për emisionin “Shqipëria Live” në Top Channel, ku u bëri një deklaratë bombë për 30-vjeçaren. Sipas tij, ajo ka pasur një lidhje edhe me shokun e burrit të saj.
“Ndodhem në burgun e Durrësit. Me Ersidën kishim një vit e ca të lidhur, takoheshim çdo ditë. Jemi njohur në plazh, më dha numrin e telefonit dhe kemi pasur një marrëdhënie të shkëlqyer”, tha fillimisht 32-vjeçari.
Më pas Musaku shtoi se e dinte se ajo ishte e martuar dhe kishte dy fëmijë.
“Ajo më thoshte se burri me keqtrajton, jam e jotja deri në vdekje. Rashë në dashuri me të. Flisnim në Telegram. Ajo donte të linte burrin. Nuk e kam marrë me zor. E merrja nga puna, nga ora 14.30 deri në 16 rrinte me mua”, tha ai.
Sipas Musakut, 30-vjeçarja ka bërë jetë luksi me të dhe nuk i mungonte asgjë. Ai ka shtuar se i ka paguar edhe kopshtin e fëmijëve.
“Nëse jam fajtor, kërkoj dënimin me varje. Më shumë ka ndenjur me mua se me burrin e vet. Pse ka mashtruar. E akuzoj për mashtrim të rremë. E kam dashur me shpirt. Nuk i mungonte asnjë lloj gjëje, ka bërë jetë luksi me mua”, vijoi më tej 32-vjeçari.
