Fundjava nis dhe hapja e mediave kryesore europiane fokusohet në ndeshjet e secilit kampionat. Seria A luan javën e gjashtë, La Liga spanjolle javën e pestë, Bundesliga gjermane javën e gjashtë, kurse ndeshjet në Premier League angleze do të anullohen për shkak të ndarjes nga jeta të Mbretëreshës Elizabeth II.
Duele emocionuese na presin këtë fundjavë.
Ndjekim disa nga titujt kryesorë të mediave sportive:
Daily Express Sport e hap ditën me titullin: “Futbolli bie në heshtje”. Premier League anulon ndeshjet e kësaj fundjave në nder të Mbretëreshës Elizabeth II.
La Gazzetta dello Sport hapet me rinovimin e liderit të ri deri në vitin 2027: “E dua Milanin”. Tonali zgjat kontratën, ai tashmë është një anëtar shumë besnik i klubit kuqezi.
Corriere dello Sport hapet me titullin: “Napoli ngrohet”, për të prezantuar ndeshjen mes Napolit dhe Spezias që do të hapë ditën. Raspadori do të jetë sulmuesi kryesor tani në vend të të dëmtuarit Osimhen.
“Paredes vertical” është titulli hapës i torinezes Tuttosport. Paredes u shpreh i gatshëm për ta bindur Di Marian që të qendrojë dhe një vit në Torino.
E përditshmja madrilene AS hapet me titullin “Një tren tjetër për Hazard”. Belgu synon të startojë ndaj Mallorca-s 231 ditë më vonë për shkak të dëmtimit të Benzemas. Performanca e tij në Champions League jep optimizëm në Madrid.
“Le të vazhdojë brezi” ka shkruar katalanasja Mundo Deportivo. Një Barça me rotacione kërkon tre pikët në vizitën e saj në Cádiz.
Prestigjozja Marca hapet me fjalët e Joao Félix: “Ne mund të luftojmë LaLigën”. Sot Atlético-Celta në orën 21:00.
“Rotacione para Bayernit” ka shkruar gazeta Sport. Sot Cádiz – Barça në orën 18:30. Xavi njofton ndryshime kundër Cádiz dhe thërret dy nënshkrimet e fundit: Marcos Alonso dhe Héctor Bellerín.
“Monza ja ku jemi” është titulli i gazetës Sportweek. Sot zhvillohen kualifikimet në Çmimin e Madh të Monzës, e njohur dhe si shtëpia e skuderisë Ferrari. Kokëkuqja italiane synon të rrëmbejë fitoren nga Redbulli agresiv. Nesër zhvillohet gara në orën 16:00.
