Pas vdekjes së Mbretëreshës Elizabeth II më 8 shtator, djali i saj i madh Charles u bë automatikisht mbret. Sot ai mori zyrtarisht fronin, por nuk vuri kurorë. Kushdo që e ka ndjekur live ceremoninë e marrjes së fronit sot, mund të ketë pyetur veten: Pse?
Do të duhet ende kohë derisa të vendosë kurorën e mbretit. Për këtë do të duhet të presim ceremoninë e kurorëzimit të mbretit Charles III.
Çfarë është një ceremoni kurorëzimi?
Gjatë ceremonisë së kurorëzimit, Charles do të inaugurohet zyrtarisht në pozicionin e tij.
Kurorëzimi është një ceremoni shtetërore dhe fetare — që zhvillohet në Westminster Abbey siç kanë ndodhur ceremonitë për gati 1000 vitet e fundit, por e organizuar dhe paguar nga qeveria.
Gjatë ceremonisë, Kryepeshkopi i Canterbury do të vendosë kurorën e Shën Eduardit në kokën e Charles. Dhe, si nëna e tij, Charles do të bëjë një betim.
Kur do të bëhet ceremonia e kurorëzimit?
Ende nuk dihet, por mund t`u referohemi të kaluarës.
Elizabeta u bë mbretëreshë në shkurt 1952, pasi mbreti George VI vdiq. Por kaloi më shumë se një vit përpara se kurorëzimi i saj madhështor në Westminster Abbey të ndodhte më 2 qershor 1953. Kurorëzimi i saj ishte i pari që u transmetua në televizion, me më shumë se 20 milionë shikues.
