Charles III është shpallur Mbret nga Nëpunësi i Këshillit gjatë ceremonisë së Këshillit të Aderimit, e cila u zhvillua në Pallatin St. James të Londrës.
Mirëpo, mesa duket mbreti i ri është sëmurë.
Fotot e gishtave të fryrë dhe të kuq të tij po qarkullojnë në internet dhe, një doktor britanik dhe pedagog në Universitetin e Chester, Gareth Nyej ka folur për mediat duke i qetësuar të gjithë dashamirësit.
Fotografitë e duarve të sundimtarit të ri kanë qarkulluar në internet që kur Mbretëresha vdiq të enjten në moshën 96-vjeçare në rezidencën e saj Blamoral.
Dr. Nye tha se ka “shumë arsye” që mund të çojnë në ënjtje të gishtave. Një mundësi është edema.
“Edema është një gjendje në të cilën trupi fillon të mbajë lëngje në gjymtyrë, zakonisht në këmbë dhe kyçe, por edhe në gishta, gjë që çon në ënjtjen e tyre. Një tjetër shkak mund të jetë artriti. Artriti është një tjetër gjendje e zakonshme në moshën mbi të 60-at. Shpesh prek nyjet e gishtit të madh ose nyjet e gishtave. Gishtat e këmbëve zakonisht bëhen të ngurtë dhe të fryrë, dhe ndërsa mjekimi mund të ndihmojë në lehtësimin e dhimbjes, ënjtja mbetet. Ka edhe disa shkaqe më pak të zakonshme. Psh; një dietë me shumë kripë,”- shpjegoi ai.
Por pavarësisht këtyre shkaqeve të mundshme, Dr Nye thotë se nuk ka asnjë arsye që të shqetësohemi lidhur me shëndetin e mbretit Charles III, i cili sapo ka marrë fronin e Britanisë së Madhe.
