Ndarja nga jeta e Mbretëreshës Elizabeth ishte e papritur për të gjithë njerëzit, e veçanërisht për familjen mbretërore.
Princi Louis pati një përgjigje të ëmbël pasi prindërit e tij i treguan lajmin për vdekjen e stërgjyshes së tij, Mbretëreshës Elizabeth II. Autori mbretëror Robert Jobson shkroi në Twitter se ishte Kate Middleton, ajo e cila ndau me fëmijët lajmin gjatë një shëtitjeje jashtë kështjellës Windsor.
Middleton, së bashku me bashkëshortin e saj Princin William, u bashkuan nga Princi Harry dhe Meghan Markle teksa inspektuan homazhet me lule dhe kartat e mbetura jashtë kështjellës Windsor për të nderuar monarkun e ndjerë.
“Banita Ranow, 28 vjeç, mes turmës në Long Walk, tha se dëgjoi Kate t’u tregonte fëmijëve pranë saj për atë që djali i saj më i vogël Louis kishte thënë për vdekjen e Mbretëreshës,” shkroi Jobson, duke vijuar: “Ajo tha se Louis ishte mërzitur por kishte thënë se të paktën gjyshja është me stërgjyshin tani.”- duke iu referuar Princit Philip, bashkëshorti i mbretëreshës, i cili ndërroi jetë pak kohë më parë.
