Është bërë publike për mediat foto dhe emri i shënjestrës së atentatit të dështuar në Durrës.
Sipas informacioneve konfirmohet se Akil Nerjaku ka qenë shënjestër e një atentati me snajper që dështoi ditën e djeshme në zonën e plazhit në Durrës.
Detaje të tjera për ngjarjen tregojnë se Nerjaku ka qenë duke lëvizur mesditën e djeshme në këtë zonë në momentin kur ka ndodhur ngjarja.
Mësohet se autorët kanë qëlluar me snajper nga brenda një furgoni sapo ai ka dalë nga automjeti i blinduar G-Class.
Plumbi nuk ka e kapur shënjestrën, por ka përfunduar në një automjet që ndodhej i parkuar, me targa të huaja.
Akil Nerjaku nuk është emer i panjohur për policinë. Ai është arrestuar disa vite më parë për armëmbajtje pa leje dhe është liruar më pas nga gjykata.
