Interi bëri detyrën në Champions League duke fituar me rezultatin e pastër 2-0 kundër Viktoria Plzen dhe pret rezultatin e përballjes Bayern Munich-Barcelona.
Edin Dzeko ishte ai që e zhbllokoi ndeshjen që në minutën e 20-të, me një goditje diagonale brenda zonës. Zikaltrit u munduan ta shënojnë edhe golin e qetësisë në pjesën e parë.
Gjërat u bënë më të lehta për Interin në pjesën e dytë, sidomos pas daljes me karton të kuq të Buchas, pas një ndërhyrjeje të rëndë ndaj Barella. Inferioriteti numerik do jepte efektin e vet, pasi goli i dytë do vinte nga Skriniar në minutën e 71-të.
Në fundin e sfidës pati minuta edhe për Kristjan Asllanin që debuton në Champions League.
Bie Tottenham. Takimi i luajtur në Lisbonë mes Sporting dhe Spurs është fituar me rezultatin 2-0 nga portugezët, që tani kryesojnë Grupin D të vetëm me 6 pikë pas dy javëve të para.
VIDEO – SPORTING-TOTTENHAM – VIDEO
Paulinho (90′) dhe Arthur Gomes (93′) i kanë dhuruar fitoren dhe tri pikë shumë të rëndësishme portugezëve. Dy ekipet e tjera që bëjnë pjesë në Grupin D janë Marsielle dhe Eintracht Frankfurt, që do të përballen në orën 21 në Francë.
