Shqipëria kohët e fundit ka rënë pre e sulmeve kibernetike dhe për këto sulme është akuzuar Irani, me të cilët vendi ynë ndërpreu dhe marrëdhëniet diplomatike.
Mirëpo, vendi ynë ka patur mbështetjen e pakursyer të aleatëve. Kryeministri Edi Rama zhvilloi një bisedë telefonike me sekretarin e Shtetit Antony Blinken pikërisht për sulmet kibernetike.
Reagimi i Ambasadës Amerikane:
“Sekretari i Shtetit Antony J. Blinken foli dje me kryeministrin shqiptar Edi Rama. Sekretari Blinken dënoi sulmin e papërgjegjshëm kibernetik të 9 shtatorit kundër sistemeve të kontrollit kufitar të Shqipërisë, i cili pason sulmin kibernetik të Iranit ndaj Shqipërisë më 15 korrik. Sekretari theksoi rëndësinë e bashkëpunimit SHBA-Shqipëri, si aleatë në NATO, për sigurinë rajonale”. – Zëdhënësi i Departamentit të Shtetit të SHBA, Ned Price”
