Ish-drejtori i Ujësjellës-Kanalizime në Kurbin, Alfred Prodani është ekstraduar drejt Spanjës pasi akuzohet për vjedhjen e vilës së yllit të Real Madrid, Karim Benzema.
Ky lajm është bërë i ditur nga Policia Kombëtare e Spanjës. Në njoftimin e tyre thuhet se Prodani është i kërkuar nga sistemi i drejtësisë spanjolle.
La colaboración entre las OCN #INTERPOL de #Madrid y #Tirana han permitido la extradición de un ciudadano albanés buscado por la justicia española, gracias al convenio firmado entre #España y #Albania
Se trata del presunto autor del robo en el domicilio de un conocido futbolista pic.twitter.com/alZ3QW1o1e
— Policía Nacional (@policia) September 13, 2022
Rikujtojmë se vjedhja e vilës së Benzema ka ndodhur në shkurt të vitit 2019-të, ndërsa ishte duke u luajtur klasikja Real Madrid-Barcelona.
Ish-drejtori i Ujësjellës-Kanalizime në Kurbin, Alfred Prodani u arrestua nga policia me 7 maj pasi ishte shpallur në kërkim ndërkombëtar për vjedhje në Spanjë.
