Gola, spektakël, emocione dhe befasi. Nata e dytë e Champions League i pati të gjitha. Fokusi kryesor i mediave sportive do të jetë pikërisht këtu, ndersa në mbrëmjen e sotme do të luhet java e dytë e Europa League.
Ndjekim disa nga titujt kryesorë për ditën e sotme:
La Gazzetta dello Sport hapet me Champions League: “Milani i plotë”. Kuqezinjtë në krye të grupit, mposhtin Dinamo Zagreb me rezultat protagonistë ishin Giroud, Saelemaekers dhe Pobega.
“Juve në pozicion jashtë loje” është titulli i italianes Corriere dello Sport. Benfica ‘fundos’ Juven në Torino, ekipi bardhezi me një këmbë jashtë Champions-it.
Tuttosport hapet me bardhezinjtë: “Juve-Allegri, mjaft!“ Fatkeqësi me Benfica-n.
“Valverde është një top” ka shkruar AS. Një gol i mrekullueshëm i uruguaianit nxjerr në avantazh Realin, i cili shton fitoren e tetë radhazi.
“Gavi 2026” është titulli i katalanases Mundo Deportivo. 18-vjeçari do të nënshkruajë rinovimin e tij sot dhe do të ketë një klauzolë prej 1 miliardësh.
Prestigjozja Marca hapet me titullin: “El Pajarito i jep krahë”. Një gol i mrekullueshëm nga Valverde zhbllokon një Madrid shumë të sheshtë. Asensio shfrytëzon minutat dhe shënon një gol të mrekullueshëm.
“Barça do të luajë me të bardha” ka shkruar Sport. Kjo do të jetë fanella e dytë e Barcelonës për sezonin 2023-24.
Në Britaninë e Madhe, Mirror Sport hapet me fitoren 2-1 të Manchester City kundër Borussia Dortmund. “Haaland Fluturues”, ndëshkon ish-ekipin e tij me një gol akrobatik duke i dhënë 3 pikët Cityt.
“Makineri fluturuese” ka shkruar Daily Express Sport. Gjithë mediat britanike i thurin elozhe bomberit norvegjez.
