Drejtoria e Përgjithshme e Arkivave sot publikoi një dokument, ku thuhej se më 16 shtator 1943, u grabit ari i Bankës së Shqipërisë.
Në lidhje me këtë ka reaguar edhe Princi Leka, i cili publikon dokumentet e DPA dhe thotë se kjo është një tjetër provë që tregon se ari i Shqipërisë u vodh në 1943 dhe jo në 1939.
“Një tjetër provë që ari nuk është marrë më 1939!” shkruan Princ Leka në postimin e tij.
Kujtojmë që është thënë se Mbreti Zog ka marrë me vete floririn kur është larguar nga Shqipëria. Pas vitit 1939, emri i Ahmet Zogut ishte i akuzuari kryesor për marrje ilegale të floririt nga thesari.
