Në San Siro zhvillohet ndeshja kryesore e javës së shtatë në Serie A ndërmjet Milanit dhe Napolit.
Si kampionët në fuqi, kuqezinjtë e kanë nisur mirë sezonin e ri në kampionatin italian duke arritur katër fitore dhe dy barazime, ndërsa kanë marrë 14 pikë.
Stefano Pioli ka vendosur të startojë Alexis Saelemaekers për herë të parë këtë sezon dhe të vendosë Krunic në krahun e djathtë pasi Rafael Leao mungon për shkak kartonash.
Nga ana e tij, Spalletti zgjodhi 4-3-3, ende me mrekullinë gjeorgjiane Kvaraskhelia dhe me Raspadori.
FORMACIONET ZYRTARE:
Milan : Maignan – Calabria, Kalulu, Tomori, Hernandez – Bennacer, Tonali – Saelemaekers, de Ketelaere, Krunic – Giroud
Napoli : Meret – Di Lorenzo, Rrahmani, Kim, Rui – Anguissa, Lobotka, Zielinski – Politano, Raspadori, Kvaraskhelia.
Nga ana tjetër, në “Wanda Metropolitano” zhvillohet ‘El Derbi Madrileno’ ndërmjet Atletico Madridit dhe Real Madrid, i vlefshëm për javën e gjashtë në La Liga.
Nga pesë ndeshje të zhvilluara, Los Blancos kanë arritur po aq fitore dhe kanë grumbulluar 15 pikë. Barcelona është ngritur në krye të tabelës me një pikë më shumë, pasi e ka zhvilluar sfidën e xhiros së gjashtë.
Los Rojiblancos kanë arkëtuar 10 pikë nga tri fitore, një barazim dhe një humbje, në pjesë takimet e para.
Nuk do të mungojë një përballje taktikash ndërmjet strategëve Diego Simeone dhe Carlo Ancelotti, të cilët i kanë zgjedhur futbollistët që do të luajnë nga fillimi.
