Pasi iu dha çmimi i golashënuesit më të mirë nga ‘Gala das Quinas de Ouro’ për rekordin e tij ndërkombëtar të golave, Cristiano Ronaldo e bëri të qartë se ai synon të fitojë Kupën e Botës 2022 me Portugalinë.
Pavarësisht se është në rënie vitet e fundit dhe shumë njerëz besojnë se karriera e tij po mbyllet, Cristiano Ronaldo këmbëngul se ai shpreson të luajë edhe për disa vite të tjera.
“Shpresoj të vazhdoj të jem pjesë e skuadrës së Portugalisë edhe për disa vite”, tha Cristiano.
“Ndihem i motivuar, kam ambicie. Jam në një ekip me të rinj dhe dua të jem në Kupën e Botës, por edhe në Kampionatin e ardhshëm Europian [në vitin 2024]”.
Me çmimin e marrë, Cristiano Ronaldo ishte i kënaqur që arritjet e tij u njohën.
“Jam krenar që kam marrë çmimin”, tha Cristiano . “Kurrë nuk e kam menduar se mund ta arrij”.
“Së bashku do të vazhdojmë të thyejmë të gjitha rekordet e mundshme”.
“Ka qenë një rrugë e gjatë, por dua të them se udhëtimi im nuk ka përfunduar ende. Ka mbetur edhe pak Cristiano”.
