Rikthehen ndeshjet e kombëtareve, me sfidën Skoci-Ukrainë që hap ditën e parë të ndeshjeve. Kampionatet do të jenë në pushim deri në 2 tetor, dhe skuadrat në krizë kanë filluar të mendojnë zgjidhje se si do të dalin nga ajo situatë.
Në Itali, Interi dhe Juve janë kryefjalë e mediave vendase, për shkak të formës së tyre të dobët dhe në rënie.
Ndjekim disa nga titujt kryesorë të mediave sportive:
Corriere dello Sport hapet me titullin: “Juve e tradhtuar”. Francezi nuk ka zbritur asnjë minutë në fushë, kurse argjentinasi Di Maria është i pezulluar me karton të kuq dhe me performance inkonsistente.
Edhe Tuttosport hapet me bardhezinjtë, duke vendosur si titull: “Tregu i Juves, gjithçka ndryshon”. Skauting, goditje të qëndrueshme dhe të guximshme, klubi po mendon për një strategji sipas modelit të Milanit dhe Napolit.
“Inter dhe Juve thyejnë Italinë” është titulli i të përditshmes La Gazzetta dello Sport. Kriza ka prekur dy nga klubet më të mira në historinë e Seria A, dhe disa personalitete të shquara të futbollit kanë reaguar. Sacchi: “Tani është utopi të mendosh se ata mund të fitojnë: Allegri nuk e pëlqen futbollin e bukur”. Zoff: “Jam i mahnitur, por ata kanë ende kohë për t’u rikuperuar”. Ranieri: “Klubi duhet të ndryshojë menjëherë nëse menaxheri nuk e ka më ekipin në dorë”.
Në Portugali, gazeta vendase A Bola hapet me titullin: Ronaldo pa kufi: “Do të marr edhe më shumë në ngarkim nga ky moment”. Angazhimi i kapitenit të Portugalisë shkon përtej Kupës së Botës . Ai pohon vullnetin e tij për të qenë edhe në Europianin 2024.
“Çekiçi i Europës” ka shkruar gazeta madrilene AS. Skuadra Los Blancos është e vetmja skuadër në ligat kryesore që ka fituar të gjitha ndeshjet që kanë luajtur.
Prestigjozja Marca fokusohet tek thirrjet rraciste drejt Nico Williams: “Askush nuk lind racist. Është çështje edukimi”. Nico Williams, sulmuesi i Athletic Bilbao, ka qënë ‘pre’ e thirrjeve rraciste në ftesën e tij të parë nga kombëtarja spanjolle.
Katalanasja Sport hapet me titullin kushtuar intervistës me Pedrin : “Kemi një ekip për të fituar gjithçka”. Ylli katalanas shfaqet optimist dhe shpreson se një ditë do të fitojë Topin e Artë.
Në Britani, Mirror Sport nxjerr në pah frikën e lojtarit të Tottenham:”Paralajmërimi i Dier“. Mbrojtësi shprehet se sjellja e tifozëve është aq e keqe sa tani e ka ndaluar familjen të shkojë në ndeshjet e kombëtares angleze.
Në Francë, L’Equipe ia kushton kopertinën kombëtares së Deschamps: “Një qiell blu”. Në një kontekst të zhytur në mungesa dhe biznes, Ousmane Dembelé dhe Aurelien Tchouameni u japin shpresë gjelave. I pari është një nga yjet momental të Barçës, kurse i dyti ka fituar vendin e tij te Real Madrid”.
