Siç duket këngëtarja shqiptare Morena Taraku ka tërhequr edhe vëmendjen e mediave turke. Ajo ka pak kohë që është zhvendosur për të jetuar në Turqi, ku ka nënshkruar edhe kontratë me një label të njohur në qytetin e Stambollit.
Morena nuk e ka aspak problem që të reklamojë jetesën e saj luksoze. E jo vetëm kaq, pasi Taraku herë pas here është bërë kryefjalë e mediave tona në lidhje me pasurinë e saj, ndonëse mesa duket ky detaj nuk u ka shpëtuar as mediave turke.
Së fundmi “Snob Magazin” i ka dedikuar një shkrim, Morenës duke publikuar disa foto të realizuara në qytetin Nisantasi të Turqisë. Në foto duket këngëtarja dhe babai i saj duke arritur tek makina e tyre luksoze në ngjyrë portokalli.
Ndër të tjera ky shkrim i është dedikuar edhe kësaj makine, e cila siç raporton media turke kap vlerën e 10 milionë lirave turke.
Më herët në profilin e saj në “Instagram”, ku ndiqet nga më shumë se 1.6 milion fansa, Morena u shfaq joshëse me një palë bikini të zeza në kuvertën e një jahti. Ajo dukej tepër në formë dhe e relaksuar teksa mbante edhe një gotë verë në dorë.
