Rebecca Gannon ose “Beccie” siç njihet ndryshe nga miqtë e saj është 29-vjeçarja britanike e cila vdiq të hënën gjatë nje zhytjeje në Sarandë.
29-vjeçarja nga Stone në Staffordshire vdiq pasi hasi vështirësi në eksplorimin nënujor me të dashurin e saj prej Robert Kerans.
Pas ngjarjes së ndodhur pasditen e së hënës në brigjet e Sarandës, policia ka arrestuar pronarin e qendrës së zhytjes Spiranca, i cili quhet Saimir Kushova, 45 vjeç.
Zyrtarët thanë se ai po mbahet nën dyshimin për shkelje të rregullave të shëndetit dhe sigurisë në punë dhe punësimin e një instruktore zhytjeje jo të kualifikuar të quajtur Gerta Brozi.
I dashuri i viktimës, Robert Kerans thotë se ai dhe e dashura e tij kishin një certifikatë zhytjeje PADI(lloji certificatës) kur ndërmorën zhytjen në Sarandë:
“Unë dhe Rebecca mbërritëm në qendër dhe plotësuam një formular. Kemi qenë rreth 12 persona bashkë dhe kemi qenë tre instruktorë njëri prej të cilëve fliste shumë mirë anglisht dhe që unë e njoh, është Gerta Brozi.
Ajo kontrolloi pajisjet, por dukej se nuk i kushtoi shumë vëmendje. E di që kishte një problem me pajisjet e Rebekës, por Gerta tha se ishte zgjidhur. Ne hymë në ujë, por nuk e di nëse problemi u rregullua. Ne kishim hyrë mjaft thellë dhe një nga grupi kishte probleme me presionin dhe doli në sipërfaqe.
Nuk mund ta shihja Rebekën kur isha në ujë pasi dukshmëria nuk ishte shumë e mirë. Duhet të kem qenë në ujë për rreth 25 minuta dhe kur dola në sipërfaqe pashë një varkë policie pranë nesh dhe atëherë kuptova se diçka e keqe kishte ndodhur.”, shprehet ai.
