Kate Winslet u “mbërthye” në karakter të hënën teksa u kthye në xhirimet e filmit të saj të ri “Lee”, pasi u shtrua në spital për shkak të një dëmtimi në këmbë gjatë xhirimit fundjavën e kaluar.
Aktorja 46-vjeçare u rikthye në shëndet të plotë teksa u kthye në modalitetin e punës, duke veshur një kostum ushtarak për xhirimet që po zhvillohen në fshatin Kupari të Kroacisë.
Filmi biografik tregon jetën e modeles së Vogue, të kthyer në korrespondenten e Luftës së Dytë Botërore, Lee Miller, të cilën Kate e portretizon teksa luan përkrah aktorëve si Jude Law dhe Marion Cotillard.
Lee pozoi në mënyrë të famshme për një fotografi në vaskën e Adolf Hitlerit në apartamentin e tij në Mynih dhe u bë fotografja zyrtare e luftës për Vogue, duke dokumentuar dhe duke regjistruar rrethimin e qytetit shumë të fortifikuar të St. Malo.
Pas kthimit në Mbretërinë e Bashkuar të pasluftës, Lee ‘varrosi’ të dhënat e punës së saj të kohës së luftës në një kuti në papafingon e shtëpisë së saj në Sussex dhe fotografitë e saj nuk u zbuluan derisa u gjetën pas vdekjes së saj nga i biri.
Kate ishte veshur me një kostum ushtarak amerikan për xhirimet, ku shfaqej me një jumpsuit dhe me një rrip të trashë.
Ajo u shfaq pa grim për xhirimet, duke u bërë gati me aktorët dhe ekipin teksa ata e përgatisnin dhe e prezantonin atë në karakter përpara se të fillonin xhirimet. Gjatë filmimit të skenave me intensitet të lartë, Kate u fotografua duke vrapuar në setin e jashtëm, i cili ishte projektuar për të qenë një bazë lufte e viteve 1940.
Një automjet ushtarak ishte gjithashtu në shesh, me disa persona që luanin rolin e snajperistëve në qoshe ndërsa aktorja e Titanikut doli në qendër të skenës.
Ajo duket se ka bërë një rikuperim të plotë nga dëmtimi i saj i fundit në xhirime, që e pa atë të shtruar në spitalin e Dubrovnikut pasi rrëshqiti gjatë xhirimeve.
Fotot e marra nga shtypi kroat tregojnin yllin kinematografik duke mbërritur në spitalin e qytetit me një furgon të zi, ndërsa shoqërohej nga një numër i madh njerëzish.
Kate u kontrollua nga mjekët pas udhëtimit dhe iu dha leja që të shkonte në shtëpi.
Një përfaqësues i yllit të ekranit tha për ‘MailOnline’: Kate rrëshqiti dhe u dërgua në spital si një masë paraprake e kërkuar nga produksioni.
“Ajo është mirë dhe do të xhirojë, siç ishte planifikuar për këtë javë.”
Kate u shpall si ylli i një filmi të ri biografik për modelen e kopertinës së Vogue, i cili u kthye në korrespondenten e luftës, Lee Miller.
Filmi, i quajtur ‘Lee’, do të rrëfejë jetën dhe përvojat e fotoreporteres ndërsa ajo udhëton në vijën e parë të Luftës së Dytë Botërore dhe përpiqet të ekspozojë të vërtetat e tmerrshme të nazistëve.
Gjatë gjithë rrugëtimit të saj, ajo më pas arrin të kuptojë të vërtetat e së kaluarës së saj, pasi ishte viktimë e përdhunimit kur ishte vetëm shtatë vjeç.
Në vitin 1914, Lee ishte dërguar për të qëndruar me miqtë e familjes pranë Nju Jorkut, ndërsa nëna e saj, Florence, ishte e sëmurë në spital. Ndërsa ishte atje, ajo u përdhunua dhe u infektua me gonorre – mesa duket nga një mik apo i afërm mashkull i familjes me të cilën po qëndronte.
Më vonë në jetën e saj, fotografja e modës njujorkeze kaloi nga shfaqja në American Vogue në dëshmitare e dorës së parë të tmerreve të Gjermanisë naziste , duke u bërë një nga fotografet më të rëndësishme të shekullit të 20-të.
Një nga vetëm dy gra fotografe luftarake gjatë Luftës së Dytë Botërore, ajo ishte gjithashtu një nga korrespondentet e pakta femra që u futën në kampet e çliruara të përqendrimit.
Para Luftës së Dytë Botërore, ajo punoi si një vajzë e kopertinës së viteve 20 dhe punoi me artistë surrealistë në Evropë përpara se të fillonte karrierën si fotoreportere.
Ajo mendonte se fotografia ishte ‘idealisht e përshtatshme për gratë si profesion, sepse mua më duket se gratë janë më të shpejta dhe më të adaptueshme se burrat. Dhe unë mendoj se ato kanë një intuitë që i ndihmon të kuptojnë personalitetet më shpejt se burrat’.
Në vitin 1937, Picasso pikturoi gjashtë portrete të Lee, duke përfshirë një në të cilin ajo kishte një sy të tretë.
Pas një qëndrimi në Kajro, ajo u kthye në Paris, ku takoi piktorin dhe kuratorin surrealist britanik Roland Penrose, i cili do të vazhdonte të mësonte përdorimin e kamuflazhit në Luftën e Dytë Botërore.
Duke jetuar në Hampstead, në veri të Londrës me Penrose kur filloi bombardimi i qytetit, Miller vendosi të nisë një karrierë të re si fotografe zyrtare e luftës për Vogue.
Puna e saj më vonë do ta çonte atë në të gjithë Evropën, duke punuar për forcat aleate dhe duke u bashkuar me fotografin tjetër amerikan David E. Scherman, korrespondent për revistën ‘Life’.
Koleksioni i saj përfshin fotografi të pabesueshme që ajo bëri duke dokumentuar fundin e luftës, udhëtoi në Francë më pak se një muaj pas ‘Ditës D’ dhe për të regjistruar rrethimin e qytetit shumë të fortifikuar të St. Malo.
Ajo dëshmoi gjithashtu çlirimin e Parisit, Betejën e Alsas dhe tmerret e ushtarëve të parë që mbërritën në kampet naziste të përqendrimit në Buchenwald dhe Dachau.
Dhe ndërsa vizitonte Gjermaninë, David Scherman bëri një fotografi të Millerit të shtrirë në vaskën e banesës së Adolf Hitlerit në Mynih, me zorrën e dushit të lidhur në qendër pas kokës së saj, që i ngjan një laku.
Imazhet u bënë një nga ikonat e partneritetit të tyre dhe treguan aftësitë e saj famëkeqe modeluese.
Besohet se Miller kishte mbajtur adresën e banesës së Hitlerit në xhepin e saj ‘për vite’, duke shpresuar të ishte një nga të parët që do të mbërrinte gjatë pushtimit. Pasi bëri foton në vaskë, Miller bëri një banjë në vaskë dhe fjeti në shtratin e Hitlerit.
Vetëm disa orë para imazhit ikonik të saj në banjën e Hitlerit, ajo kishte kapur tmerret në Dachau.
Menjëherë pas ‘Ditës D’, ajo theu një rregull kundër korrespondenteve femra që shkonin kudo afër vijës së frontit dhe ndoqi ushtarët aleatë ndërsa ata bënin sulmin e tyre të fundit ndaj gjermanëve në qytetin francez të St Malo, që e pa atë të arrestuar për pak kohë nga ushtria amerikane.
Pas kthimit në Mbretërinë e Bashkuar, Miller varrosi të dhënat e jetës së saj të jashtëzakonshme në kuti në papafingo të shtëpisë së saj në Sussex dhe rrallë foli për luftën me bashkëshortin e saj Roland ose djalin e saj Antony Penrose.
Regjistrimet e fotografive të saj të kohës së luftës nuk u gjetën vetëm pas vdekjes së saj nga djali i saj Antony, i cili ishte në gjendje të shkruante një biografi të jetës së nënës së tij.
Lee i kaloi vitet e mëvonshme të jetës së saj në Angli dhe vdiq atje në 1977, në moshën 70-vjeçare.
Filmi do të drejtohet nga Ellen Kuras, e cila ishte kineastja e filmit hit të Kate në vitin 2004, Eternal Sunshine of the Spotless Mind, ku protagonist ishte edhe aktori i famshëm Jim Carrey.
Është përshtatur nga libri Jetët e Lee Miller, shkruar nga djali i Lee, Antony Penrose.
Aktorja fituese e Oskarit, Kate, e cila është gjithashtu producente e filmit, tha më parë për rolin e saj: “Një grua që e admiroj jashtëzakonisht shumë dhe që jam shumë e emocionuar që luaj në këtë film. Një mendimtare, kuzhiniere, vajzë e kopertinës së Vogue, korrespondente lufte, ikonë, nënë.’
Kate Winslet njihet më së shumti për portretizimin e Rose në Titanic, ku kaloi muaj në ujë gjatë xhirimit të filmit emocional të vitit 1997 dhe u sëmur për shkak të tij.
