Trupat e Armatosura të Shqipërisë dhe ato të Kosovës kanë nisur stërvitjen marshuese Cambrian Patrol, të cilën vetë Ministri i Mbrojtjes Niko Peleshi, e ka konsideruar ndër më të vështirat në botë.
Trupat shqiptarë do të konkurojnë në Malet e Uellsit në Mbretërinë e Bashkuar mes 160 skuadrave elitare nga 30 vende të botës duke marshuar për 48 orë rreth 70 km me 45 kg pajime.
Pamjet nga stërvitja, i ka ndarë edhe Kryeministri Edi Rama, që iu ka uruar suksese.
“SUKSESE Momente nga përgatitja e trupave elitë të Forcave të Armatosura të Shqipërisë dhe Forcës së Sigurisë së Kosovës, për stërvitjen marshuese më të vështirë në botë, Cambrian Patrol, ku të dyja trupat shqiptare do të garojnë në Malet e Uellsit, në Mbretërinë e Bashkuar, mes 160 skuadrave nga 30 vende të botës, duke marshuar për 48 orë me 45 kg pajime në një terren tejet të thepisur #WeAreNATO“, shkruan Rama në rrjetin social.
