Një kalendar i ngjeshur dhe një Botëror që është shumë afër. Didier Deschamps, ashtu si ndonjë koleg i tij, ka frikë se yjet e tij mund të mos jenë në maksimumin e formës për Kupën e Botës në Katar.
Kështu, trajneri francez i ka bërë një kërkesë trajnerit të Paris-Saint Germain, Christophe Galtier, që të ruajë energjitë e Kylian Mbappe.
“E di se ai do që Mbappe të luajë gjithmonë. Por i duhet të pushojë pak herë pas here”, ka thënë tekniku i Gjelave për Telefoot.
“Duhet të luajë më pak. Nuk do t’i bëjë keq, përkundrazi”.
Trajneri i Francës ka folur edhe për Topin e Artë 2022 dhe Karim Benzema, që është favoriti i madh
për ta fituar çmimin prestigjioz.“E meriton, për atë që ka bërë në këtë sezon me Real Madrid dhe me ne. Vjeshtën e kaluar na ka ndihmuar të fitojmë Nations League.
“Prej vitesh është një nga sulmuesit më të mirë në botë. Do të isha shumë i lumtur nëse do ta fitonte këtë çmim”, ka thënë Deschamps.
