Një ortek milionash mund të kthejë përmbys Serinë A. Vijnë nga Spanja, më saktësisht nga Madridi ku synohet të arrihet një marrëveshje milionere.
Një lajm që mund të ketë pasoja për kampionatin italian me Florentino Perez që është gati të marrë një sulmues nga Italia për të zëvendësuar Benzema.
Paratë vijnë nga marrëveshja e re e sponsorizimit me Emirates: një operacion prej 70 milionë eurosh që bashkë me bonuset mund të arrijë në 77 milionë në vit për tre sezone.
Një shifër e rëndësishme që Real-i mund të vendosë ta shfrytëzojë për të blerë pasardhësin e 34-vjeçarit Benzema. Dhe duket se sytë e Los Blancos janë drejtuar nga Seria A, ku po mbahen tre lojtarë nën vëzhgim.
I pari është Lautaro Martinez, një ‘fiksim’ i vjetër i Merengues. Zilkaltrit do të ishin të gatshëm të uleshin në tavolinë përballë një oferte prej 70/80 milionë eurosh.
Emri i dytë është ai i Dusan Vlahovic. Juventus e konsideron serbin sulmuesin e së ardhmes, por nëse gjërat nuk do të shkojnë mirë këtë vit, asgjë nuk mund të përjashtohet.
Një ofertë 80 milionë euro mund të krijojë disa dyshime te bardhezinjtë që, gjithsesi, do të mendoheshin gjatë para se të nisnin një ne gociatë të mundshme.
I treti është Victor Osimhen, sulmues me perspektivë të madhe, por që për vitin e tretë radhazi ka probleme fizike. Probleme që e kanë frenuar pak shpërthimin e tij, por pavarësisht nga kjo presidenti De Laurentis nuk e lëshon pa një ofertë prej 100 milionësh.
Një shifër që nuk e tremb një Real Madrid të pasuruar nga një marrëveshje prej pothuajse 80 milionë eurosh në vit dhe me një dëshirë për ta marrë sulmuesin e së ardhmes nga Seria A.
