Një 44-vjeçar ka mbetur i vdekur mbrëmjen e sotme, pasi u qëllua me armë zjarri në rrethana të cilat ende nuk janë bërë me dije.
Pjetër Kola është paraqitur në qendrën shëndetësore të Vaut të Dejës rreth orës 18:00, i plagosur ne fshatin Qafë Çelë, Pukë.
Menjëherë pasi u paraqit në Qendrën Shëndetësore, ai u transportua në spitalin e Shkodrës për të marrë mjekim më të specializuar, por fatkeqësisht ndërroi jetë.
Është ngritur menjëherë grupi hetimor dhe nën drejtimin e Prokurorisë pranë Gjykatës së Rrethit Gjyqësor Shkodër vijon puna për zbardhjen e rrethanave të ngjarjes, identifikimin dhe kapjen e autorit/ve.
Shkodër/Informacion paraprak
Rreth orës 18:00, në qendrën shëndetësore të Vaut të Dejës është paraqitur për ndihmë mjekësore, shtetasi P. K., 44 vjeç, nga Lezha, i plagosur me armë zjarri, në rrethana ende të paqarta, ne fshatin Qafë Çelë, Pukë.
Ky shtetas është transportuar në Spitalin Rajonal Shkodër, për ndihmë mjekësore më të specializuar, i cili ndërroi jetë në spitalin e Shkodrës.
Është ngritur menjëherë grupi hetimor dhe nën drejtimin e Prokurorisë pranë Gjykatës së Rrethit Gjyqësor Shkodër vijon puna për zbardhjen e rrethanave të ngjarjes, identifikimin dhe kapjen e autorit/ve.
