Kryeministri Edi Rama në një dalje për mediat, u është përgjigur gazetarëve në lidhje me largimin e ish-zv.kryeministrit Arben Ahmetaj nga çdo post publik.
Kryeministri duke mohuar zërat e distancimit, u shpreh se partia ka të drejtë të bëjë riorganizime sidomos kur ndodhen përballë një beteje të re.
Sipas tij, çdo gjë po bëhet në kuadër të zgjedhjeve lokale të cilat do të zhvillohen në 2023.
Duke iu shmangur përgjigjes së drejtëpërdrejtë se “ku gaboi Arben Ahmetaj”, Rama tha se partia funksionin si një skuadër futbolli, dhe se në fund janë rezultati ai që ka rëndësi.
“Këto janë përrallat që thashë edhe dje. Ju jeni në të drejtën tuaj të tregoni përralla duke kërkuar pas cdo vendimi e hapi, qëllime që nuk ekzistojnë. Natyrisht që është diçka që nuk do të ndodhte 10 vite më parë, por ndodh që për hir të lirisë së mediave, të spekulohet deri në ekstrem me lloj lloj shpifjesh e gënjeshtrash që vijnë nga qëllimi për të bërë lajm apo shpifur. Nuk di çfarë të them, Zoti i paftë të gjithë dhe të kujdeset për të gjithë. E vërteta e ka akoma më të vështirë të përçajë në këtë rrugë ku sundon gënjeshtra. Ne jemi në të drejtën tonë të bëjmë ndryshime organizative, i kemi bërë gjithmonë. Këto nuk kanë lidhje fare, kush jam unë në fund të fundit.
