Ambientalisti Sazan Guri në një intervistë ka folur për prejardhjen e disa aktorëve me famë botërore, teksa ka habitur pasi disa i ka bërë shqiptarë.
Në një intervistë për “Good Morning Albanians” për Euronews Albania, ai tha se aktori amerikan Al Pacino është nga Kruja, ndërsa aktori Robert De Niro është arbëresh.
“Al Pacino për shembull është shqiptar nga Kruja. Robert De Niro është arbëresh, e ka thënë vetë në një intervistë televizive në Sanremo, po nuk e përkthyen ata. Ai e tha me gojë. Unë e dëgjova vetë. Baza arbareshë tha ai” u shpreh Sazan Guri.
Kujtojmë që, para pak ditësh ai tha që edhe Napoleon Bonaparti ishte shqiptar, mbiemri i tij ishte Kolgjeri dhe familja e tij ishte larguar në vitin 1308 nga Shqipëria.
