Presidentja e Komisionit Europian, Ursula von der Leyen ka propozuar vendosjen e sanksioneve të reja kundër Rusisë, për ta detyruar t’i japë fund luftës në Ukrainë.
Presidentja e KE ka kërkuar që në pakertën e re të përfshihen kufizime të mëtejshme tregtare, listime të zeza individuale dhe masa në lidhje me çmimet e naftës për vendet e treta. Sanksionet e reja do t’i paraqiten 27 vendeve anëtare të bllokut për t’u njohur me sanksionet e reja dhe të arrijnë në një unanimitet për t’i zbatuar ato.
Gjithashtu presidentja e KE ka bërë të qartë se BE nuk i pranon referendumet e rreme dhe asnjë lloj aneksimi të territoreve të Ukrainës.
“Ne nuk pranojmë referendumet e rreme dhe asnjë lloj aneksimi në Ukrainë. Ne jemi të vendosur të bëjmë Kremlinin të paguajë çmimin për këtë përshkallëzim të mëtejshëm”, ka thënë Von der Leyen.
