Sali Berisha riktheu sërish sot sulmet ndaj ambasadores amerikane Yuri Kim në Tiranë. Për Berishën, është e gënjeshtërt deklarata e ambasadores kur thotë se zyrtarë amerikanë nuk takohen me të shpallur non grata, dhe për këtë solli si shembull takimet Presidentit serb të Bosnjë-Hercegovinës, Milorad Dodik, gjithashtu i shpallur non grata me zyrtarë të SHBA.
Gazetarët e kanë pyetur Sali Berishën edhe nëse ishte i shqetësuar nga takimi për më shumë se dy orë i Metës me Yuri Kim, në selinë e Partisë së Lirisë.
“Përkundrazi, unë e kam mirëpritur takimin. Absolutisht, në mënyrë absolute. Pse do më shqetësoj. E quaj shumë normal dhe Ilir Meta është ish-president, kryetar i një partie dhe gjëja më normale është takimi. E vlerësoj pozitiv”, tha Berisha.
