Janë zbuluar monedhat e reja me portretin e mbretit Charles, që do të hyjnë në qarkullim brenda disa javësh.
BBC News publikoi një foto të monedhave dhe një kurorë përkujtimore prej 5£ që përfshin një imazh të Mbretit nga skulptori britanik Martin Jennings.
Monedhat ndjekin traditën shekullore me monarkun që ndodhet në anë të kundërt me paraardhësen e tij.
Ashtu si me mbretërit e mëparshëm britanikë, dhe ndryshe nga Mbretëresha, ai nuk mban kurorë.
Nga fillimi i vitit të ardhshëm, monedhat nga 1p deri në £2, të cilat përdoren në jetën e përditshme, do të qarkullojnë duke mbajtur të njëjtin imazh të mbretit Charles.
Ato do të dërgohen kur të jetë e nevojshme për të zëvendësuar monedhat e vjetra të dëmtuara dhe të konsumuara dhe për të mbuluar çdo kërkesë shtesë.
Portreti zyrtar u krijua për t’i dhënë një pamje reale Mbretit, dhe e njëjta gjë vlen edhe për mbishkrimin.
Monarkët e mëparshëm britanikë janë shënuar në mbishkrim duke përdorur versionin latin të emrit të tyre. Megjithatë, monedhat e reja thonë Charles III në vend të Carolus.
