Inter-Roma është edhe Inzaghi kundër Mourinhos. “Il Messaggero” analizon sfidën nga këndvështrimi i dy trajnerëve.
José ka fituar gjithçka me Interin dhe Inzaghi ka detyrën e vështirë ta imitojë atë. Ai, gjithashtu nga Lazio, nuk do të shihej kurrë në stolin e Romës.
Pra, një lloj derbi ideologjik mes Simone dhe Jose. Këtë herë është në distancë, duke pasur parasysh skualifikimin e “Special One”, i cili nuk do të jetë në stolin verdhekuq, por do ta drejtojë skuadrën e tij “fshehurazi”.
Me pak fjalë, ka për ta luajtur sfidën e vet me Inzaghi. Portugezi duhet të lërë mënjanë ndjenjat dhe nostalgjitë e tripletës historike dhe të marrë një fitore, edhe pse Interi “i tij” është në krizë. Roma nuk mund dhe nuk duhet të jetë kundërshtari i “ringjalljes” së zikaltërve.
Situata – Humbjet ndaj Udineses dhe Atalantës para pushimit detyrojnë Interin dhe Romën të lënë mënjanë ndjenjat e tyre këtë pasdite në “San Siro”, sipas “La Stampa”.
Rikthimi i ish-it të madh Mourinho nuk është më një risi, pas dy të mëparshmeve të sezonit të kaluar. Përveç kësaj, portugezi do të mungojë në stol për shkak të skualifikimit të shkaktuar nga përjashtimi për protesta dy javë më parë.
Stadiumi do të vëzhgojë me kureshtje Dybalan, të joshur dhe braktisur nga Interi, pas vendimit për të kthyer Lukakun, i cili deri më tani nuk ka dhënë rezultatet e dëshiruara. As pushimi i kampionatit nuk i ka mjaftuar qendërsulmuesit belg për të larguar dëmtimin e muskujve.
