“Futbolli ka të bëjë me rezultate. Dhe ai që shënon më shumë gola dhe pranon më pak fiton”. Dani Carvajal ishte shumë i fuqishëm në përgjigjen e tij kur, në konferencën për shtyp para vizitës së Shakhtar Donetsk në Santiago Bernabéu, u pyet për deklaratat e Xavi Hernández për “padrejtësinë” e Champions League, një kompeticion që sipas trajnerit të Barçës: jo gjithmonë fiton më I MIRI”.
“Kur ke fituar pesë nga nëntë Champions League-t, fati është mënjanë” , ka thënë futbollisti i Real Madridit.
“Më argëton që debati për drejtësinë dhe padrejtësinë që shfaqet vetëm kur Real Madridi fiton Champions League dhe jo kur skuadrat e tjera e fitojnë atë” , shtoi mbrojtësi i djathtë.
“Opinionet janë subjektive dhe secili ka të vetin. Është komplekse të flasim për atë që është e drejtë dhe çfarë jo, por vitet e fundit kemi qenë më të mirët. Madridi është gjithmonë në mesin e 4-5 skuadrave favorite për titull. Nuk mendoj se kur dikush përballet me ne të mos na shohë si një kampion të mundshëm në të ardhmen”, ka reflektuar spanjolli.
Nga ana tjetër, Carvajal siguroi se pengesa ndaj Osasuna-s “është tashmë pjesë e së kaluarës” dhe shpjegoi se “personalisht ndihem shumë mirë”.
“E kam nisur me shumë minuta dhe po përpiqem të ruaj formën time më të mirë fizike për të gjitha ndeshjet e këtij muaji dhe Botërorin, që vjen pas rreth gjashtë apo shtatë javësh”, tha ai për ndjenjat e tij.
