Chelsea ka shënuar fitore me rezultat 3-0 ndaj Wolves në kuadër të xhiros së dhjetë në Ligën Premier.
Blutë e Londrës e nisën ndeshjen mirë, duke rrezikuar të parët dhe goli erdhi në kohën shtesë të pjesës së parë.
Kai Havertz arriti të gjejë rrjetën pas një asistimi të Mason Mount për 1-0.
Sapo filloi pjesa e dytë Chelsea shënoi sërish, ku Mount ishte sërish asistues, kësaj radhe për Christian Pulisic për 2-0.
Armando Broja u fut në lojë në minutën e 72-të dhe i mjaftoi të gjejë rrjetën.
Sulmuesi shqiptar arriti të shënojë në minutën e 90-të, pas një aksioni të cilin e krijoi vet, ku dribloi bukur në zonë, gjuajti dhe shënoi për 3-0.
Ky ishte goli i parë i Brojës në Ligën Premier për këtë sezon me fanellën e Chelseat.
Blutë e Londrës kanë filluar ngjitjen në renditje, ku pas tri fitoresh radhazi, tani kanë 16 pikë dhe janë në vendin e katërt.
https://twitter.com/LDNFootbalI/status/1578774816903286784?s=20&t=h1fOIgW_kCMR_sxrgdXxMA
