Ish-kryeministri Sali Berisha ka marrë pjesë ditën e sotme në një konferencë të organizuar në kuadër të zgjedhjeve vendore. Në konferencë kanë qenë të pranishëm edhe disa përfaqësues të partisë së djathtë suedeze, Moderata, e udhëhequr nga lideri i opozitës suedeze Ulf Kristersson.
Teksa fliste për partinë simotër të PD në Suedi, Berisha iu referua për disa herë drejtuesit të saj si zonjë për të hequr paralele me atë që synohet të arrihet në Shqipëri.
Megjithatë një të pranishmit e korrigjoi dhe Berisha e tërhoqi fjalën e tij. Ai theksoi se në zgjedhjet e ardhshme do respektohet kuotat veçanërisht për këshillat bashkiakë dhe do të shikohet një formulë për zbatimin e tyre edhe për qytetar të parë.
“Mbështes plotësisht çështjen e kuotave derisa ne të arrijmë të dalim jashtë tyre si ka dalë partia simotër e Suedisë e cila e udhëhequr nga një zonjë e shquar…urdhëro është burrë? Më falni. E udhëhequr nga zonja… më falni, është burrë? Ne do respektojmë kuotat, për këshillat është më e lehtë. Do shikojmë mënyrën si ta respektojmë këtë për qytetar të parë”, deklaroi Berisha.
