Shefi i politikës së jashtme të Bashkimit Evropian, Josep Borrell ka kërcënuar ditë ne sotme Vladimir Putin se ushtria e tij do të “asgjësohet” nga reagimi i Perëndimit, në rast se ai përdor armë bërthamore.
Borrell e bëri këtë deklaratë të fortë në hapjen e Akademisë së Diplomacisë në Bruksel, teksa tha se ashtu si Putin, edhe as Perëndimi nuk po luan me blofin.
“Putin deklaroi se nuk po bën bllof. Duhet të jetë e qartë se as shtetet që mbështesin Ukrainën, Bashkimi Evropian, Shtetet Anëtare, si dhe Shtetet e Bashkuara dhe NATO-ja nuk po luajnë blofin. Çdo sulm bërthamor kundër Ukrainës do të krijojë një përgjigje, jo bërthamore, por një përgjigje kaq të fuqishme nga ana ushtarake, saqë ushtria ruse do të asgjësohet”- deklaroi ai.
Shefi i NATO-s, Jens Stoltenberg tha gjithashtu se Rusia do të përballet me “pasoja të rënda” nëse nis një sulm bërthamor në Ukrainë.
