Kryeministri Rama ka reaguar sërish për akuzat e opozitës për fjalimin e tij të mbajtur në Asamblenë Parlamentare të Këshillit të Evropës.
Ai ka publikuar një foto të vjetër të kryedemokratit Sali Berisha, kryetarit të Partisë së Lirisë Ilir Meta dhe ish-kreut të PD, Lulzim Basha në kohën kur ishin në pushtet. Rama thotë se opozita e rublave është e zhytur thellë në thesin e parave ruse prandaj i del kundër fjalimit të tij për Kosovën në Asamblenë e Përgjithshëm të Këshillit të Evropës.
“Rublat vazhdojnë të flasin mbrapsht në Tiranë, siç folën në 2011 përmes votës KUNDËR Kosovës, e vetë Shqipërisë dhe PRO Rezolutës famëkeqe, që lemerisi botën me shkulësit e organeve shqiptarë! Opozita e rublave është e zhytur shumë më thellë se sa duket në thesin e parave ruse…”, shkruan Rama në Twitter, duke e shoqëruar me një foto të Sali Berishës, Ilir Metës dhe Lulzim Bashës.
Rublat vazhdojnë të flasin mbrapsht në Tiranë, siç folën në 2011 përmes votës KUNDËR Kosovës, e vetë Shqipërisë dhe PRO Rezolutës famëkeqe, që lemerisi botën me shkulësit e organeve shqiptarë! Opozita e rublave është e zhytur shumë më thellë se sa duket në thesin e parave ruse… pic.twitter.com/klxMebaVWq
— Edi Rama (@ediramaal) October 14, 2022
Kujtojmë që fjalimi i tij u kritikua shumë, madje Berisha e quajti kryeministrin “anti-shqiptar”, ndërsa fjalimin e tij, “turp” dhe ‘thikë pas shpine’ për Kosovën. Sakaq, reagime të ashpra ka patur edhe kreu i Partisë së Lirisë, Ilir Meta.
