Në një intervistë ekskluzive për gazetënn “Fjala”, deputeti ukrainas Oleksiy Goncharenko, ka treguar bisedën që zhvilloi me Ramën dhe arsyet se përse mbështet njohjen e Kosovës. Nisma në Parlamentin e Ukrainas dhe përse “foli shqip” në Asamblenë e KiE të mbajtur në Strasburg.
Nga e dërguara jonë në Strasburg, Monada Mehmetaj
Nëse nuk do të ishte lufta e Rusisë në Ukrainë ndoshta deputeti i Parlamentit të Ukrainës Oleksiy Goncharenko mund të mos e kishte në agjendën e tij çështjen e Kosovës. Tashmë situata është kthyer përmbys, pasi vendi që nuk e njohu për shumë kohë Pavarësinë e Kosovës tashmë po mendohet serizisht të ndryshojë qëndrim, madje të shkojë një hap më tej sa të kërkojë edhe në Strasburg që Kosova të jetë vend anëtar në BE. Goncharenko e bëri asokohe publike iniciativën e tij në rrjetin social Twitter, duke shkruar se shpresonte që Ukraina ta njohë pavarësinë e Kosovës sa më parë të jetë e mundur.
Sakaq, momentalisht ai ndodhet në Strasburg, ku ka komunikuar edhe nga afër me kryeministrin e Shqipërisë, i cili dy ditë më parë mbajti një fjalim të fortë në KiE për çështjen e Kosvës dhe specifikisht raportin e Dick Marty, i cili 11 vite më parë aludoi se në Shqipëri, konkretisht në fshatin Gurrë të Matit ishin kryer trafik organesh të shtetasve serb nga Ushtria Çlirimtare e Kosovës. Kryeministri Rama mbajti qëndrim të ashpër duke theksuar se jo vetëm nuk ka asnjë të vërtetë në këtë raport, por kishte ardhur koha që KiE ta rrëzonte atë draft që e kishte miratuar më parë. Pavarësisht reagimit të disa prej eurodeputetëve, eurodeputetëve, kryesisht nga vendet e BE-së që nuk e kanë njohur Kosovën, pati reagime pro Ramës, ky një prej tyre ishte deputeti ukrainas Gorachenko.
Pas fjalës së tij në asamble, ai ka folur ekskluzivisht për gazetaren e Fjala.al, Monada Mehmetaj, e cila po ndjek nga afër zhvilimet në Strasburg.
“Unë dorëzova një rezolutë për njohjen e Kosovës në gusht. Unë do të vazhdoj përpjekjet e mia, në përpjekje që të njihet Kosova si shtet i pavarur. Po ashtu, unë vazhdoj mbështetjen edhe këtu, në Këshillin e Evropës, që sa më shpejt të jetë e mundur, Kosova të jetë vend anëtar”, tha ai. Po ashtu ai tregoi, detaje nga biseda me kryeministrin Edi Rama.
“Mund të them që dje unë i bëra disa pyetje kryeministrit tuaj, dhe e falënderova Shqipërinë për mbështetjen në Kombet e Bashkuara, por kryeministri mu përgjigj dhe tha: Ne jemi një komb i vogël, dhe ne nuk ndikojmë në këto gjëra. Unë nuk jam dakord, mendoj që të gjitha kombet janë të rëndësishme, edhe shqiptarët, edhe ukrainasit, dhe të gjithë. Ndaj, ne duhet të marrim vendime të prera dhe të ashpra”, tha Gorachenko.
Madje në asamble ai është drejtuar në gjuhën shqipe duke thënë se Kosova është Evropë.
“Kosova duhet të njihet nga të gjitha vendet e Këshillit të Evropës. Për momentin, 12 vende nuk e kanë njohur ende atë. Ju drejtohem juve, ju lutem njiheni këtë vend si një shtet të pavarur për çka ata luftuan për të ardhmen e tyre, për pavarësinë e tyre. Ata duhet të ulen këtu së bashku me ne, të jenë pjesë e Këshillit të Evropës, dhe vetëm kështu ne mund të jemi më të fortë, dhe ky vend do të lulëzojë gjithashtu. Unë i bëj thirrje parlamentit të Ukrainës për të mbështetur dhe njohur pavarësinë e Kosovës, dhe ne të gjithë duhet ta bëjmë këtë dhe së bashku të ecim përpara. Jam i sigurt se këto vende mund të jenë pjesë shumë e fortë e projektit tonë të madh të përbashkët, por për këtë duhet të punojmë. Le të mbështesim votën e lirë, le të jemi më të fortë, më të mëdhenj, le të mbështesim Ballkanin Perëndimor, “Kosova është Evropë”, ka thënë deputeti ukrainas.
