Myrto Uzuni është padyshim ylli i Granadës në këtë sezon. Talenti shqiptar ka marrë për dore skuadrën e tij, teksa në 9 ndeshje në kampionat ka arritur të realizojë 8 gola dhe 1 asist. Statistika të frikshme të 27-vjeçarit beratas, që po i magjeps të gjithë me klasin e tij.
Uzuni ishte protagonist absolut në triumfin e mbrëmjes së sotme, që skuadra e tij Granada arriti ndaj Gijonit me rezultatin 5-0, duke asistuar në golin e parë, teksa shënoi golin e dytë dhe të tretë. Realizimi fantastike nga ana e shqiptarit, që mrekulloi të pranishmit në stadium dhe jo vetëm.
Në përfundim të ndeshjes, Uzuni u vlerësua me notën 8.8 nga faqja e specializuar e statistikave “Sofa Score”, ndërkohë që qëndroi 65 minuta në lojë. Në 2 goditje në portë, shqiptari shënoi 2 herë, teksa e preku 25 herë topin, gjatë gjithë sfidës.
Golat e Uzunit “tërbuan” edhe një komentatore simpatike spanjolle, e cila komentonte për një televizion përballjen e sotme mes Granadës dhe Gijonit, ndërkohë që ka mbetur e mrekulluar nga golat e shqiptarit.
“Che golazo, golazo, Myrto Uzuni dëgjohet teksa brohoret në gjuhën spanjolle komentatorja simpatike”. Për më tepër shikoni videot speciale, të komentit të golave të Uzunit nga një komentatore femër:
