“70% e Tokës është e mbuluar nga uji, pjesa tjetër mbulohet nga N’Golo Kanté”. ‘Mantra’ që tifozët e Leicester dhe Chelsea përsëritën me krenari, ka rënë në mospërdorim… për shkak të lëndimeve.
Aq sa kampioni i botës me Francën në Rusi 2018 do të mungojë në botërorin e Katarit 2022 për shkak të lëndimit, sipas gazetës L’Équipe. Një humbje e madhe për Didier Deschamps, trajnerin e ‘bluve’, i cili ka mbetur pa mesfushorin e tij referues në mbrojtje të titullit botëror.
Që kur luajti ndeshjen e tij të fundit për Chelsean, kundër Tottenham (2-2) më 14 gusht, dihet pak ose asgjë për shtatshkurtërin francez. Kante, i cili ka luajtur vetëm 175 minuta këtë sezon, pësoi një dëmtim në muskul dhe që atëherë ka humbur 12 ndeshje për blutë.
Rikthimi i tij dukej i afërt, por heshtja u thye nga prestigjiozja franceze dhe mesfushori do të humbasë botërorin. Mesazhi i Didier Deschamps është i qartë.
Ai tashmë ka paralajmëruar Pogba-n dhe lojtarët e tjerë të lënduar: “Nuk do të thërras asnjë lojtar, kushdo qoftë ai, që nuk është 100%”.
Deschamps do të japë listën më 9 nëntor. Kanë mbetur vetëm 25 ditë… dhe tani për tani dihet që Kante nuk do të jetë në përzgjedhjen përfundimtare.
