Sot është dita e “El Classico-s”. Real Madrid dhe Barcelona do të ndeshen sot në Bernabeu në një sfidë që premton spektakël në një nga arenat më të mëdha futbollistike në botë. Por e diela e sotme nuk ndalet këtu, pasi në Angli luhet dhe super ndeshja Liverpool-Manchester City.
Për më tepër ndjekim titujt e mëposhtëm nga gazetat kryesore sportive në botë:
Gazeta spanjolle “AS” hapet me titullin: “Klasikja e artë”, me ndeshjen Real Madrid-Barcelona e cila do të vendosë dy super sulmues si Benzema dhe Lewandowski përballë njëri-tjetrit.
E përditshmja “Sport” shkruan: “Klasike kyçe”. Ndeshja e sotme do të përfaqësojë shumë, më madrilenët të cilët kërkojnë konfirmimin si kampionë në fuqi dhe katalanasit e Xavit të cilët synojnë të dalin nga kriza pas zhgënjimit në Champions, me një rezultat pozitiv pasditen e sotme.
“Më shumë së një El Classico”, shkruan prestigjozja “Mundo Deportivo”.
“Marca” hapet me titullin: “Klasike e adhuruar”. Gazeta spanjolle thekson duelin mes Benzema dhe Lewandowskit, dy gjigantët e futbollit botëror, këpuca e artë vs topi i artë.
Gazeta britanike “Express Sport” zhvendos fokusin në ndeshjen e shumëpritur mes Liverpool dhe Manchester City-t: “Më i miri në botë”, duke iu referuar deklaratës së Jurgen Klopp për trajnerin Pep Guardiola.
Në Itali, kryefjala e mëngjesit të sotëm është rikthimi te fitorja e Juventusit në derbin kundër Torinos mbrëmjen e djeshme. “La Gazzetta dello Sport” shkruan: “Shpëton Juve”.
E përditshmja “Corriere dello Sport” gjithashtu vjen me nje titull të ngjashëm. “Dusan shpëton Max-in”. Sulmuesi serb Dusan Vlahovic ishte autori i golit të fitores për Juven, që duket se me këtë fitore ka konfirmuar në pankinë edhe trajnerin Max Allegri.
