Ish deputeti demokrat, Genc Pollo, teksa ka folur për situatën politike në vend, është ndalur dhe tek nisma për amnistinë fiskale.
Ai tha se qeverisë i duhen para për të fituar zgjedhjet, ndaj kanë ndërmarrë këtë nismë.
“Mungojnë fondet dhe kjo është arsyeja që Rama do të bëjë pasaportat e florinjta dhe amnistinë fiskale”, tha Pollo në emisionin “Radari Informativ” .
Sakaq, ai tha se Çekia ka propozuar që për Shqipërinë dhe Serbinë të anulohen udhëtimet pa viza, dhe kjo për të është diçka dramatike.
“Propozimi i Presidencës së BE-së për të anuluar në fund të vitit udhëtimin pa viza është diçka dramatike. Çekia ka lëshuar një deklaratë të brendshme, e cila është botuar në mediet evropiane. Për shkak të keq-menaxhimit dhe dirigjimit të fondeve me PPP-të, nuk ka para për gjëra të tjera. I duhen para për të fituar zgjedhjet dhe prandaj po hidhet me vetë-sakrificë drejt amnistisë fiskale, për të marrë paratë e nëndheshme dhe për t’i hedhur në Shqipëri”, tha ai.
