A dështoi takimi për bashkimin e PD-së? Flet Paloka, Bardhi ‘kyç’ gojën për mediat

Kryetari i Këshillit Kombëtar të PD-së, Edi Paloka dhe i mandatuari i grupit të Alibeajt, Gazmend Bardhi janë takuar paraditen e sotme për më shumë se një orë në përpjekjen e parë për të bashkuar partinë dhe për të dalë me një kandidat në zgjedhjet e ardhshme lokale.

Takimi ka nisur pak pas orës 11 dhe përfundoi rreth orës 12.20 dhe u zhvillua në një prej lokaleve përballë Parlamentit.

Në daljen e tij deputeti demokrat Gazment Bardhi nuk preferoi që të japi asnjë detaj në lidhje me bisedën e zhvilluar, për bashkimin e PD-së për zgjedhjet vendore.

Ndërsa, i mandatuari i Sali Berishës, për dialogun në kuadër të bashkimit të Partisë Demokratike Edi Paloka, në një prononcim të shkurtër për gazetarët tha se takimi nuk ka dështuar dhe se po diskutojnë të kenë kandidatë të përbashkët.

‘Ju thash kur të kemi diçka për ju do t’ju njoftojmë. Nuk ka dështuar takimi, është vullneti i përbashkët për të dalë më një kandidat. Të lutem kaq për sot.’- tha Paloka.

 

ARTIKUJ TË NGJASHËMMË SHUMË NGA AUTORI