Deputetja e Partisë së Lirisë, Monika Kryemadhi ka hedhur jo pak herë poshtë akuzat se ajo, Ilir Meta, dhe fëmijët e tyre kanë kryer trajtime estetike që arrijnë vlera marramendëse.
E ftuar në studion e Eni Vasilit, Kryemadhi tha se megjithatë, është e rëndësishme që shqiptarët të kujdesen si për look-un dhe për shëndetin e tyre.
Gazetarja ka vendosur ta ngacmojë, duke i thënë se është e dukshme që “ka ardhur në formë” dhe “duket shumë mirë”, por Kryemadhi me modesti, ia ka faturuar gjeneve.
Eni Vasili: Ke ardhur pak në formë nuk mund të mos e themi. Je shumë mirë…
Monika Kryemadhi: Është edhe një çik gjenetike. Prandaj Edi Rama thotë merruni me operacione plastike, se ato janë shkrimet më të klikuara
Vasili: Do na e thuash sekretin?
Kryemadhi: Shqiptarët merren më shumë se çfarë vesh dhe si duket një politikan sesa me skandalet e mëdha, inceneratorët…ajo dihet.
