Gazetarja Klodiana Lala ka folur për ndarjen nga jeta të Lear Kurtit, i cili ndërroi jetë pas shoqërimit nga policia.
Ajo është shprehur mbrëmjen e sotme se i gjithë procesi i autopsisë së trupit të Lear Kurtit, është i filmuar me kamera. 32 vjeçari është shoqëruar nga efektivët e Komisariatit nr.3 në mesnatë, ku dhe ka ndërruar jetë.
“I gjithë procesi i autopsisë është regjistruar i gjithi me kamera. Kjo nëse familjarët kanë ndonjë pretendim”, është shprehur gazetarja në emisionin “Open”.
Më tej, ajo tha se i riu ka shfaqur shenja se nuk ishte mirë sapo ka mbërritur në ambientet e Komisariatit. Lala tregoi se ka parë pamjet e kamerave të Komisariatit dhe në to dukej qartësisht se Lear Kurti ishte duke u dridhur.
