Pas problemeve me drejtësinë italiane, Elsa Lila është rikthyer edhe në rrjetet sociale.
Këngëtarja ka premtuar se do të rikthehet së shpejti në Shqipëri me projekte të reja muzikore.
Së fundi në një postim në rrjetet sociale, ka publikuar një video, nga bashkëpunimi me kompozitorin dhe kantautorin e njohur Pirro Çako, “Diferenca je ti” .
“Diferenca je ti” with Pirro Çako! Kujtime të shkëlqyera, këngë e madhe ,festival i madh! Ishim pjesmarrës në festivalin në 2007! Përqafime Pirro, perqafime Pali Kuke”, shkruan Elsa Lila.
Vetëm pak muaj më parë, Elsa Lila pushtoi mediat italiane dhe vendase, teksa u njoftua arrestimi i saj, së bashku me një grup kriminal në Romë.
Këngëtarja e njohur u arrestua në mars te këtij viti pasi dyshohej për përfshirje në një organizatë kriminale, por pas hetimeve dhe provave këngëtarja u shpall e pafajshme dhe u lirua nga të gjitha akuzat.
