Lucas Hernández, pak më shumë se 24 orë përpara se skuadra e tij, Bayern Munich, të vizitojë Camp Nou përpara ndeshjes së pestë të Ligës së Kampionëve, foli në “El Partidazo de la COPE” për ndeshjen e së mërkurës dhe qëndrimin e tij në klubin bavarez.
Mbrojtësi foli përpara ndeshjes së skuadrës së tij kundër Barçës, në një ndeshje në të cilën Blaugranat mund të eliminoheshin matematikisht nga Champions League para se të luanin ndeshjen, në rast se Interi mposht Viktoria Plzen disa orë më parë në San Siro. Eliminimi i Barçës do të ishte një goditje e rëndë për të gjithë”, tha Lucas.
“Personalisht, me projektin që ata po bënin në parasezon, mendova se kalimi në 1/16 do të ishte mes nesh dhe Barcelonës”, ka rrëfyer ai.
I pyetur se si do ta përballojë Bayerni këtë lojë jetë a vdekje për Barçën, francezi u shpreh: “Mentaliteti i Bayernit është gjithmonë fitues. Ne do të dalim për fitore pavarësisht se çfarë do të ndodhë”. Ai gjithashtu kishte fjalë për ish-shokun e tij të skuadrës Robert Lewandowski: “Ai është një lojtar i madh dhe shpresoj që ai të vazhdojë të bëjë vitin që po bën”.
Lojtari i Bayernit, i cili u largua nga Atlético de Madrid në vitin 2019 për 80 milionë euro, nuk e ka përjashtuar mundësinë e rikthimit në klubin ku është stërvitur për 12 sezone: “Nëse një ditë lind opsioni i rikthimit në Atlético, pse jo? Do të doja të ndodhte. Është diçka e bukur”, ka rrëfyer ai.
Mbrojtësi, i cili ka humbur muajin e fundit të kompeticionit për shkak të dëmtimit, ishte shumë mirënjohës për ish-klubin e tij: “Që jam tani në Mynih është pjesërisht falë Atlético. Ata më morën kur isha i vogël dhe më dhanë gjithçka”.
Pak më pak se një muaj para fillimit të Kupës së Botës në Katar, Lucas i dha favoritët e tij për të ngritur trofeun: “Për mua favorite është Franca. Do të doja të luaja finalen kundër Spanjës”.
