Deputeti Agron Shehaj ka bërë me dije se ka humbur përballjen në Gjykatë ndaj policisë, përsa i përket çështje për mbylljen e biznesit të tij.
Përmes një postimi në rrjetet sociale, Shehaj shkruan se gjykata ka vendosur në favor të Edi Ramës, duke e quajtur procesin ja fars, dhe duke thënë se policia fitoi pa paraqitur asnjë provë.
Deputeti thotë se nuk do të ndalet dhe se beteja ligjore do të vazhdojë deri në Strasburg.
“Gjykata sapo vendosi në favor të Edi Ramës. Në këtë vend kur verdiktin e jep kryeministri, nuk ka asnjë njeri tjetër që ta kundërshtojë atë.
Ky ishte një gjyq farsë ku Policia fiton pa paraqitur asnjë provë, urdhër apo akt para gjykatës.
Çdo qytetar e di që në Shqipëri përballë Edi Ramës nuk mund të ketë drejtësi.
Beteja ligjore do vazhdojë deri në Strasburg. Jam i bindur se në fund do ketë drejtësi.
Beteja politike, me fakte dhe prova të vjedhjeve të kryeministrit dhe ministrave në dëm të popullit më të varfër në Europë nuk ndalet.
Unë nuk shantazhohem dhe nuk tërhiqem!”, shkruan Agron Shehaj
