Nga Monada Mehmetaj, Strasbourg
Nga data 25 tetor, ndriçimi publik do të fiket gradualisht nga ora 01:00 deri në orën 05:00, duke përjashtuar rrugët kryesore.
Në një kontekst të karakterizuar nga rritja e kostove të energjisë dhe nevoja për të vepruar për të luftuar ndryshimet klimatike, Qyteti i Strasburgut po zbaton disa masa që synojnë reduktimin e konsumit të tij të energjisë, me objektiv uljen me 10% në vitin 2023.
Nga data 25 tetor, ndriçimi publik do të fiket gradualisht nga ora 01:00 deri në orën 05:00, duke përjashtuar rrugët kryesore. Zbatimi i kësaj mase do të zgjasë deri në mes të dhjetorit.
Monumentet publike nuk ndriçohen më, me përjashtim të katedrales, e cila është objekt i një analize specifike në lidhje me detyrimet që lidhen me aviacionin civil.
Këto masa të kthyeshme do të jenë objekt i një raporti progresi gjatë vitit 2023, si në drejtim të reduktimit të konsumit të energjisë, por edhe në fusha të tjera, përfshirë aspektin e përmirësimit të trashëgimisë së qytetit tonë.
Tregtarët do të ftohen gjithashtu, nëpërmjet edukimit dhe kontrolleve, të respektojnë rregulloret në lidhje me shuarjen e tabelave ndriçuese.
