Kryeministri Rama ka vazhduar takimin me banorë të Bulqizës, në kuadër të turit të zhvilluara në çdo bashki. Nga Partia Socialiste ende nuk është zbuluar ndonjë kandidat për kryetar bashkie në zgjedhjet e 14 majit 2023.
Por sot në Bulqizë, kreu i qeverisë i thuri lavda kryebashkiakut Lefter Alla.
“Kryetari i bashkisë meriton të përgëzohet se është ndër të paktët kryetar bashkie, që ka kuptuar se jo vetëm me reformën territoriale bashkia është i gjithë territori brenda perimetrit të saj, por edhe bashkia në raport me fshatin nuk është një autoritet që merret me rrugë, ujësjellës dhe kanalizime, por duhet të futet me thellë për bashkëpunimin, grumbullimin dhe shitjen e prodhimit”, tha Rama.
