Cody Gakpo është njëri nga sulmuesit më në formë në kampionatet evropiane.
Sulmuesi holandez ka statistika të jashtëzakonshme këtë edicion me PSV Eindhoven dhe është bërë objektiv i klubeve më të mëdha evropiane.
23-vjeçari në 21 ndeshje zyrtare ka shënuar 13 gola dhe ka asistuar në 14 të tjerë duke pasur statistika të jashtëzakonshme.
Skuadra si Manchester United, Milan, Roma, Chelsea, Tottenahm Hotspur, Borussia Dortmund, Atletico Madrid e Juventus janë në kërkim të anësorit këmbëshpejtë.
Kontrata e Gakpos me PSV skadon në verën e vitit 2026, por gjiganti holandez është i hapur ta shes yllin e tyre qysh në afatin kalimtar të janarit.
Gjendja jo e mirë financiare e klubit sipas gazetës holandeze ‘De Telegraf’ ka bërë që ata t’i njoftojnë klubet e interesuara për çmimin e Gakpos.
PSV është gati ta shes yllin e tyre nëse vije një ofertë mbi 40 milionë euro.
