Partia e Lirisë ka zhvilluar sot mbledhjen e parë të Komitetit të saj drejtues të dalë nga Konventa e mbajtur pak ditë në parë.
Nga aty, Kryetari i Partisë së Lirisë, Ilir Meta, ka i ka bërë thirrje qytetarëve që të bashkohen në protestën e 12 nëntorit, të thirrur nga opozita.
I bindur që do të arrijnë të marrin fitoren në zgjedhjet vendore 2023, kryetari i Partisë së Lirisë Ilir Meta ftuoi gjithashtu të rinjtë që mbrëmjen e 14 majit të dalin në shesh për të festuar rikthimin e demokracisë. Gjatë fjalës së tij në mbledhjen e Komitetit Drejtues Kombëtar i Partisë së Lirisë, Meta vuri theksin te arsimi duke thënë se do të jetë prioritet i opozitës dhe do të plotësojnë kërkesat.
“Tek kualifikimi i burimeve njerëzore për paga të jetueshme. Tek zgjerimi dhe konsolidimi i shtresës së mesme të shoqërisë, sepse qeveria i ka shpallur luftë kësaj shtrese, pasi kjo shtresë është garante për mbrojtjen e demokravisë në vend. Dje pata një takim me prindër të nxënësve që u kanë mbyllur shkollën padrejtësisht. Me qindra fëmijë po përjetojnë një traumë, një arbitraritet që nuk kursen as shëndetin medor të vogëlushëve. Ndaj Partia e Lirisë i fton të gjithë qytetarët shqiptarë që më 12 nëntor të thonë fjalën e tyre. Koha e arbitraritetit dhe nëpërkëmbjes së të drejtave të shqiptarëve ka marrë fund. Të bashkohen në protestë të rinjtë me moton për të larguar këtë qeveri dhe për të ndalur largimin e shqiptarëve. Projekti për largimin e shqiptarëve ka marrë fund. Shqipëria do u përkas të rinjve, do u përkas shqiptarëve. Në mbrëmjen e 14 majit jam i sigurt do të jemi të gjithë nga sheshi Skënderbej e deri te Nënë Tereza për të festuar triumfin e demokracisë”, u shpreh Meta.
