Presidenti i La Liga-s, Javier Tebas, mori pjesë në “Olé Sports Summits” të organizuar nga gazeta argjentinase. Ai foli hapur për Lionel Messi dhe çfarë do të thoshte largimi i tij nga Barça dhe La Liga.
Largimi i Messit – “Mendoj se Messi nuk i mungon vetëm në La Liga-s, por i mungon edhe futbollit, sepse liga franceze është ajo që është, apo jo? Sado që të jetë forcuar PSG, ai ndiqet shumë më pak se kur ishte te Barcelona. Le të shpresojmë që ai të ketë një Botëror të mrekullueshëm, sepse atje të gjithë do të mund ta shohim përsëri”.
Rikthimi i mundshëm te Barça – “Nuk i shoh të gjithë tifozët duke parë PSG kundër Nantes, nuk i shoh. Me Barçën është e kundërta. Nuk e di nëse Messi do të ketë një eksperiencë të fundit te Barça, do të varet nga ai. Shpresoj se do të rikthehet, mbi të gjitha do të ishte mirë për futbollin spanjoll, veçanërisht për ekipin që e ka pasur mbi një dekadë, qysh fëmijë. Sipas mendimit tim, prishja e asaj ‘martese’ ishte e dëmshme për Messin dhe Barçën”.
La Liga pa CR7 dhe Messi – “Epo, unë mendoj se Messi duhet të kthehet para Cristianos… Sidoqoftë, ata u larguan dhe ne jemi ende në nivelin më të lartë, apo jo?”
Premier League – “Është e vështirë për ne të arrijmë Premier League në nivel ekonomik, për shkak të një problemi të popullsisë, por në nivel teknologjik dhe sportive jemi duke konkurruar. Nuk është e nevojshme të shihet se çfarë ndodhi sezonin e kaluar apo çfarë mund të ndodhë në këtë aktualin, ju duhet të shihni dhjetë sezonet e fundit ose më shumë, që nga fillimi i shekullit. La Liga ka 37 tituj evropianë, midis Champions dhe ‘Europa League’, Premier League ka 13. Në dhjetë sezonet e fundit, La liga ka fituar 60 % të titujve. Mendoj se nuk jemi keq dhe mund të përballojmë tërheqjen e Premier League, pavarësisht se ekonomikisht mund të jemi më të dobët”.
